兩個人之間, 從來都沒有永不永遠, 只有快不快樂*

手機中有一個短訊, 原本打算刪除的。
後來卻決定, 還是要保留下,
還要對自己殘忍的, 不時翻閱。

這不是一個很甜蜜或快樂的訊息,
然而, 卻是一種坦白的衝擊。
已經多少年沒有人這樣的先小人後君子,
這樣的坦白, 彷彿就是一堆liabilty terms,
甚至難聽一點的... 生死狀。
按下i accept的那一刻, 你就接受了遊戲規則,
往後的日子, 是喜是悲, 是好是壞,
也怨不得人, 因為... 一開始你就已經清楚了對手是怎樣的人。

每個人也認為這樣子的關係很奇怪,
那麼也許我是一個很奇怪的人,
我寧願坦坦白白, 也不要虛假的你瞞我騙。



說到底還是那一句,
當我認為值得的時候, 無論任何人說甚麼, 我也會留下,
但當我決定要離開的時候, 也沒有人可以把我留得住。

我是硬頸派的人,
同時也是很簡單的人。

我的遊戲規則也很簡單,

快樂的時候, 就待在一起, 那一刻在我的眼中, 你就是我的唯一,
直至任何一人的世界中不能再融得下對方的時候, 就分開再尋覓自己的生活。

兩個人之間, 從來都沒有永不永遠,
只有快不快樂, simple as that.

任性*

做了25年人, 從來都不是一個聽聽話話安守本份的人。
由細至大, 一直都很堅持自己的一套,
從來都不會討好任何人, 很堅持的去做回自己。

身邊的人一直都為著我的工作及感情而擔心,
已經不是第一次, 我媽一直在說擔心我的工作。
其實我只是想快樂地過,
當年選擇放棄了高薪的人工退出廣告界,
就是因為太清楚轉做sales的我, 一定不會快樂,
只會每次都被壓力大得喘不過氣。
今天選擇接受低薪而繼續這一份工作,
是因為我真正的喜歡, 某程度上在心中,
其實也是對自己作出一個補償,
補償當年沒有堅持去讀theatre & film studies。

感情上, 好友一直都擔心。
其實我比任何一個人都清楚自己在做甚麼,
你們眼中的我, 一直都在浪費時間在不清不楚的感情上。
你們都說, 應該好好地找個人settle下來。

將來的事從來都沒有人知,
快樂的時候, 我會留下。
當有一刻, 我在自己和對方的眼中都再看不到快樂,
我自然會離開。

你們眼中的我, 絕對是任性和一意孤行的。


其實... 我很簡單, 亦比任何一個人都隨心,
快樂就夠了。





今天在ifc的lane crawford遇上了澳洲人,
自從他回澳洲探家人後, 我們都沒有再見面。
原本他提議到soho吃飯, 可惜我還要趕下場,
就到樓下的星記來了個quick catch up。
談天間他有問起, 為何他回來後我一直都推掉他的約,
結果, 我還是說了出口,
只是simply那時的我, 厭倦了被動的狀態,
認為是時候跳出他的世界。
i just simply wanna skip out of his life.


一切只是timing上的錯誤,
有些說話, 遲了就是遲了.
當感覺消失的時候, 我是不會作沒意義的停留*

標誌聚~

昨晚和舊公司的babies在redplus來了一個4人聚,
除了阿姿這位舊同學我有keep住見,
raymond和阿森都已經10個月沒見了~!!
再次坐在一起喝酒, 很快樂...
大家都沒有變得太多, 還是和以往一樣喝完酒後會變得超級hyper!
謝謝你們和以前一樣, 這樣的寵愛我.

送走了他們後我留了在redplus看完英格蘭的那場波,
終於有點睇頭, 終於1-0完場!
一直不喜愛足球的我, 今年看了很多場波哩~ :)

昨晚阿忠和我人肉卡拉OK上身,
這位朋友一聽到草蜢就變得超級hyper...
有相為證啊~

最近身邊的人都好像諸事不順, 大家都要笑著撐過去啊!

shock了三天, 我的shock終於完了.
其實對於完結了的事,我沒有不開心.
只是事隔了這兩年後聽到這樣的一個消息,
感到原來人心真的難測, 竟然可以被瞞了一年而不知...
謝謝你和你和妳妳你... 陪我過渡了shock期.




又一次要cancel曬太陽trip呢...
6月也差不多完了, 還未作出今年的下水禮.
何時我才可以和太陽伯伯夾好schedule?

曖昧

曖昧最大的弊處，是連說分手的資格也沒有。

當陳奕迅遇上我的emotional swing...

今晚一個人捧著netbook在工作,
電腦上itunes播著歌, playlist一直是random的,
今晚卻很巧合地, 播了一連五首陳奕迅的歌.

"曾愛惜的總要放手
難接手的又來等候
如我愛你你愛的他都要走
同樣犯不著哀求
遺憾夠　 還要去張開笑口"
- 我甚麼都沒有

"嫌棄你想再會　被丟低想反悔
誰叫我要靠別人待薄才配"
- 黑夜不再來

"這種刺蝟 連誰曾待我好
都可帶來傷勢"
- 於心有愧


"飛天遁地　貪一刻的樂極忘形
好想說謊　不眨眼睛　似進入無人境"
- 無人之境

"Camden Town渡聖誕　Old Bond Street大醉幾晚
來回城內痛快慣　也記得車廂的炸彈　下個車站 上去逛一逛　嚐個失敗的午餐
沒有　一站　永遠也璀璨　長勝　不敗　不夠玩"
- 滑鐵盧車站



然後... 無原因地坐在窗前狂哭了半個鐘,
大概不是沒原因的, 只是有些情緒被compress了太久,
遇上emotional swing時一下子爆發了出來。






發了兩晚同一個夢,
一個人突然間買了機票拖著簡單的行李,
沒有告訴任何人就飛了回倫敦,
夢到heathrow airport, 夢到走出terminal 3 arrivals時的第一口氣冷空氣,
夢到cambridge的那間cafe, brecon的dairy和公園,
kingston的river side和以前我們常常去食lunch的cafe,
夢到晚上十點的日落, 還有那時只有在夏天才常常在家中窗口前出現的狐狸先生。

那個地方, 有著我十年最快樂的回憶。
一個每年初夏都會發作的思鄉病。

地盤

科技近十年來以光速飛行,
我們的地盤就越開越多.
由當年只得一個email地址, 通常大部份都是hotmail或yahoo.
開始進展bbs, newsgroup,
開個acc擁有一個6-9個數字的身份和朋友ICQ,
當年問人拎電話, 第二句必定是咁你ICQ #係乜野.
然後開始將人類既生活方式轉變.
以前要傾計, 一定係電話寫信fax走唔甩,
那一個年代就開始變成email. ICQ, netmeeting.
hotmail, yahoo由1MB storage變到10MB再變到1000MB再變到gmail的unlimited.
ICQ變MSN, netmeeting變skype.

邊個話記低生活點滴一定要寫日記留俾自己睇?
因為有上網, 我地開始由"好憎俾人偷睇日記"既心態轉化為寫blog, 最好越多人睇rating越高越好,
甚至好多人因為寫blog出名,搵到錢兼sponsor.
到showdiary (應該是本地第一代的blog吧), xanga, 變到現在的blogspot和yahoo blog.

然後是friendster, facebook等等等...
到最近的微博, 還未計千萬個forum上大部份人也佔一席位.

還有現在的smartphone, 由其iphone特別多這些與朋友聯繫的apps,
ebuddy, ping, whatsapp等等等等.


每天由起身開始, 搭車, 返工, 放工, 食飯, 唱k, 飲野, 等車, 臨訓前...
都要一一咁check晒所有既地盤, 關心晒身邊既朋友一舉一動先至安心去訓.
連電話都可以上到網, 我地既生
但係做左幾十年人, 你又何曾發現原來自己咁關心身邊既朋友,
連o個d可能只見過一次面既人, 你都極清楚佢既一舉一動。
然後又發現, 最close o個班, 你彷彿好清楚佢每日發生過咩事,
但係又因為呢d地盤既關係, 你地開始只係在地盤上溝通,
而少左見面講電話, 以實質既方法去關心大家,
到有朝一日真係見面既時候, 先發現原來大家由以往一個月見一次面,
變到三個月, 半年.. 甚至一年先再見一次面。

突然諗起某年某月, HKU psychology interview既時候o個條問題,
科技越黎越發達, 但係你認為人與人之間既距離係拉近左, 定係反而生疏左?!

要聯繫上一個人的方法成千上萬,
每天我們都可以再地盤上相見...
但真真正正的關心, 還是面對面的好....

燥底與"只係冇乜特別野想講"的分別.

有時都唔明d人咩心態, 難道四萬咁口就一定心情好,
只係想靜靜地唔想講咁多野就一定係"你好燥底囉今晚"。

你其實兼唔覺得自己燥底所以否認,
佢繼續唔信兼一晚講多幾十次"你好燥底" or 相關既話題!

即係我想話:
第1. 原本可能我只係唔想hyper mood但係我冇燥底, 咁搞法都俾你搞到燥底.
第2. 點解係都要認真你既想法係一定岩夾硬套在我身上, 我否認只係我扮冇野呢!?
即係唔俾人突然間o個晚係想靜靜地, 又或者突然間諗唔到有咩講既...
第3. 一個人係並唔可能無時無刻都笑住口. 如果我只係唔出聲坐o係度, 都依家無啦啦o係度笑晒口咁, 到時你唔會覺得我係心情好, 你只會認為我痴線.
第4. 唔出聲唔代表燥底囉. 靜靜地坐o係度唔多講野就代表燥底發脾氣的話,
唔怪得d人話打工仔個個都有情緒病啦.



有d野. 係我會認.
但係我否認左, 就唔該唔好再係咁問係咁問係咁問幾十次為止.
因為你繼續問, 唔係既話我都係唔會承認架囉....
你繼續問, 只會由我唔燥底都搞到我十級燥底...

今日令我燥到爆的四件事

已經連續兩晚因為飲完酒的關係訓得極差,
然後今日發生左4件令我耐性完全崩潰既事. 燥到爆!

1. 一起身開FACEBOOK. 見到某位朋友/酒吧老細send左17個event invitation黎.
全部都係一式一樣既"世界杯"invitation, 唔同既... 只係個日期.
當我仲好有耐性咁逐一decline晒佢地既時候,
我click返出去home o個版, 再見到同一個人再send左8個差唔多內容既invitation黎.

好啦. 當另一位朋友留言話俾佢炸爆左既時候, 我終於忍唔住出聲.
其實做promotion唔係問題, 而係同一個topic既野, 你根本可以淨係出一個invitation打晒咁多場既日子.
佢竟然答我... "咁我要提醒自己幾時有波睇吖嘛"
我話... "咁你要提醒自己jeh, 我地唔需要咁樣被提醒法囉..."

佢竟然回我一句... "咁你依家係咪即係詐我型先!?"

我頂你個肺丫... 下次不如我地又試下掉返轉我一次過出返廿幾個invitation俾你提下你幾時要食飯睇下你有咩反應.

即係要做宣傳唔係問題, 但係當唔止我一個人出聲話俾你知件事好煩既時候,
你既反應係應該say sorry/下次收儉下..
而唔係大Q聲聲咁問人係咪詐你形. 因為... 我出得聲就好明顯個答案係yes, yes, yes同埋yes!

 2. 話說渣打上個月冇寄過statement黎, 所以我冇去找咭數.
今日做做下野有個女人打黎. 一開波就話我上期咭數未找,
然後用一個質問式既語氣問我"你上個月既數未找, 唔該解釋下你有乜野原因同埋由咁做? 同埋你打算幾時用乜野方式去找返?"
佢講完呢句之後, 仲報左一個數俾我係要找既min pay (佢冇講lum sum)
咁岩o個個moment本小姐忙緊正經野, 求其答左佢一句我忙得濟唔記得, 聽日去找就cut左佢線.
之後打開我放銀行信個drawer, 我根本冇收過statement.
況且我今個月都冇乜點用過渣打張咭, 條lum sum根本冇理由大到淨係min pay都要俾八舊水!
即刻打返去card center, 根本個min pay同lum sum都好細, 個女人根本就報錯數.
card center即刻waive左個late charge. 順手我做埋complain. 因為我已經唔係第一次俾人咁樣打電話黎用呢d語氣對待!!!!!

3. 有個三十幾歲既男人, 呢幾個星期都有感情問題而搵我. 但係d問題越黎越無聊, 佢又搵得我越黎越密. 即係你個對象唔聽你一次電話你唔需要化大件事然後打黎問我點囉. 大佬... 仲要日日都係咁. 今日人地話唔得閒趕時間唔可以見佢, 之後o係第二個區既地鐵撞到又要打黎同我講問我做乜個女仔今晚上機但係撞到既時候又唔見佢拖住個suitcase.

即係我絕對唔介意聽我既朋友呻或有咩問題搵我....

但係...d野重覆又重覆咁答完之後, 你仲要變本加厲咁去小事化大.
仲有日日都打黎去講同一個我已經答完又答然後逼我聽你因為人地msn同你講野/唔同你講野, 呢d咁小既事...
我好想禁住我自己把火但係禁唔住囉

4. 再跟手第4樣係岩岩有條茂利打黎問我識唔識一個叫andy sham既人. 咁我係識既... 佢就係咁問佢係咪我舊同學o個d問左好多野. 我以為我個friend出左咩事啦. 我係咁問佢咩事佢又唔答我淨係繼續問... 結果問到我好唔耐煩之後佢先答我其實佢都識andy, 話依家做緊prudential既financial, 想搵我傾下睇下有冇野可以"幫到我"

我頂佢. tele-sales就tele-sales啦. o係度九唔搭八...
即係tele-sales已經夠討厭, 咁樣走黎扮晒熟拉關係既tele-sales仲討厭!!!!!