燥底與"只係冇乜特別野想講"的分別.

有時都唔明d人咩心態, 難道四萬咁口就一定心情好,
只係想靜靜地唔想講咁多野就一定係"你好燥底囉今晚"。

你其實兼唔覺得自己燥底所以否認,
佢繼續唔信兼一晚講多幾十次"你好燥底" or 相關既話題!

即係我想話:
第1. 原本可能我只係唔想hyper mood但係我冇燥底, 咁搞法都俾你搞到燥底.
第2. 點解係都要認真你既想法係一定岩夾硬套在我身上, 我否認只係我扮冇野呢!?
即係唔俾人突然間o個晚係想靜靜地, 又或者突然間諗唔到有咩講既...
第3. 一個人係並唔可能無時無刻都笑住口. 如果我只係唔出聲坐o係度, 都依家無啦啦o係度笑晒口咁, 到時你唔會覺得我係心情好, 你只會認為我痴線.
第4. 唔出聲唔代表燥底囉. 靜靜地坐o係度唔多講野就代表燥底發脾氣的話,
唔怪得d人話打工仔個個都有情緒病啦.



有d野. 係我會認.
但係我否認左, 就唔該唔好再係咁問係咁問係咁問幾十次為止.
因為你繼續問, 唔係既話我都係唔會承認架囉....
你繼續問, 只會由我唔燥底都搞到我十級燥底...